کتاب خیال قوشو

بخشی از کتاب:

نئچه ایلدیر، خیال اَلیم دن اوچور

«مجنون» و گؤرمه یه. «مجنون» اکؤچور.

نئچه ایل دیر خیال منی داغلاییر

«شحیطاط» دا دوروب گولور، آغلاییر.

«طالئیه» جاداسیندا سسله ییر

«امام حسین» گردانینی بسله ییر.

سؤزوم یوخدور، اونا نه سؤز سؤیله ییم؟

کؤپرو اوسته یاتیم یا دا کویله ییم.

«طالئیه» منی قوناق ائیله سین

زمان مسافرین ایناق ائیله سین.

سونرا یئتیر «مجنون» ون آداسینا

قربان اولوم آدینا، قاداسینا

ایسته ییرم او توپراغی یوخلایام

اوزونه اوز قویام، بیرآز یوخلایام.

َیئلده اَسم یئرده کی یاپراق ایله

اوستومه یورغان چکه توپراق ایله.

صبر ائله یین، خیالیم دا اوچاجاق

کؤپرو ساری قانادینی آچاجاق.

هئی باخاجاق، آغلایاجاق، یاناجاق

قالان دوستلارینی بیر ده آناجاق.

سیزآللاه بیر آز دا دایانین هله!

من گئدیرم آلتمیش ایکینجی ایله.

هارای ساالم، سسیم سیزه یئتیشسین

کؤمک گلیب اوردا بیزه یئتیشسین